Olympiacos mposht në vazhdime Fiorentinën për ta fituar Ligën e Konferencës

Olympiacos e ka fituar Ligën e Konferencës, duke e mposhtur Fiorentinën në vazhdime me rezultat 1-0, pasi koha e rregullt nuk prodhoi gola.

Viola mendoi se kishte shënuar në minutën e nëntë përmes Cristiano Biraghit, por që VAR-i e anuloi për pozicion jashtë loje.

Në minutën e 22-të, skuadra nga Serie A kishte një tjetër rast të artë, por kësaj here Giacomo Bonaventura nuk arriti të mposhtë Konstantinos Tzolakis.

Doppia occasione per Bonaventura, doppia parata!#OlympiacosFiorentina 0 – 0 | 22' #UECLfinal

— ACF Fiorentina (@acffiorentina) May 29, 2024

Rastin e parë serioz për Olympiacosin e krijoi Daniel Podence (25’), por portieri i Fiorentinës ishte i vëmendshëm.

Ishte një dominim i lehtë nga Fiorentina në 45 minutat e parë, por që kishte shumë gabime në fazën e sulmit.

Pjesa e dytë nisi me një tempo të qetë, me dy skuadrat që synon të përfitonin nga gabimi i ndonjërës.

Nessun gol finora.#OlympiacosFiorentina 0 – 0 | 45' + 1' #UECLfinal pic.twitter.com/VewrnvAmJ2

— ACF Fiorentina (@acffiorentina) May 29, 2024

Por, me kalimin e minutave edhe rastet për gol u intensifikuan – mirëpo nuk kishte sërish gol.

Christian Kouame krijoi një mundësi të mirë shënimi në minutën e 69-të, ndërsa portieri i skuadrës greke bëri një pritje bravuroze.

KOUAME!

Tzolakis para!#OlympiacosFiorentina 0 – 0 | 69' #UECLfinal

— ACF Fiorentina (@acffiorentina) May 29, 2024

Vicente Iborra (80’) i Olympiacosit bëri një harkim brilant në zonë, mirëpo bashkëlojtari i tij që goditi me kokë ishte i pasaktë, pasi topi shkoi ngjitur shtyllës së majtë.

Koha e rregullt e finales së Ligës së Konferencës dhe kështu dy skuadrat shkuan në vazhdime.

116′: ΓΚΟΟΟΟΟΟΟΟΟΟΟΛ για την ομάδα μας με τον Ελ Κααμπί και 1-0! / 116′: GOAAAAAAAAAAAL for Olympiacos! @AyoubElKaabi scores! 1-0!#Olympiacos #OLYFIO #UECLfinal pic.twitter.com/OjCoQ1XPfQ

— Olympiacos FC (@olympiacosfc) May 29, 2024

Dy herë nga 15 minuta ishin edhe më të varfër, përveç rastit kur Ayoub El Kaabi (116’) përfitoi nga një gabim nga mbrojtja e skuadrës italiane dhe shënoi golin e vetëm të finales për të triumfuar 1-0.

Kështu, Olympiacosi fitoi Ligën e Konferencës, duke siguruar kualifikimin direkt në Ligën e Evropës për sezonin 2024/25. /Telegrafi/