Pas Olmo-s, Barça insiston edhe për Willimas

Pas transferimit të Dani Olmos, Barcelona insiston që të blejë edhe sulmuesin e Athletic Bilbao-s, Nico Willimas.

Ndonëse mediet spanjolle raportojnë se reprezentuesi i Spanjës, dëshiron të qëndrojë tek baksët, megjithatë, katalonasit thuhet se nuk e kanë ndërmend të dorëzohen në garën për Willimas, i cili shkëlqeu në ‘EURO 2024’.

‘Blaugranat’ siç raportohet, janë duke vazhduar negociatat me agjentin e 22-vjeçarit të cilin synojnë që gjatë kësaj verë, ta transferojnë në ‘Camp Nou’.

Drejtuesit e Barçës mësohet se janë në negociata të vazhdueshme me agjentin e lojtarit dhe brenda pak ditësh pritet të vendoset e ardhmja e Williams, i cili pak ditë më parë deklaroi se “mezi pret të nisi sezonin e ri”.