Përfundon pjesa e parë: Dortmundi dominon pas pjesës së parë ndaj Real Madridit

Ka përfunduar me rezultat të barabartë 0-0 pjesa e parë e finales së Ligës së Kampionëve mes Dortmundit dhe Real Madridit, me sfidën që po luhet në ‘Wembley’.

Pas 45 minutave ekipi me rastet më të mira në fushë ishte Dortmundi që rrezikoi seriozisht portën e Real Madridit në disa raste.

Fillimisht ishte Karim Adeyemi i cili në minutën e 23-të dështoi që të shënojë në një situatë 1 me 1 me portierin Thibaut Courtois.

If just Adeyemi had better ball control. Real is really passive and Dortmund has been the far better team so far #UCLfinal #ucl #bvb #halamadrid #dorrma pic.twitter.com/5fQ6qXwu4s

— Let’s talk about sports (@My_sports_rants) June 1, 2024

Vetëm dy minuta më vonë, më saktësisht në minutën e 25-të, Dortmundi rrezikoi sërish, këtë herë me Niclas Fullkrug të cilit shtylla ia mohoi golin.

Dortmund has been really dangerous and deserves to be in front. They have had some really big chances, and Real Madrid really needs to wake up. They are on their heels and just reacting.
#UCLfinal #ucl #bvb #halamadrid #dorrma pic.twitter.com/Ne1OQajn9W

— Let’s talk about sports (@My_sports_rants) June 1, 2024

Adeyemi ishte sërish pranë golit në minutën e 27-të por Courtois bëri një super pritje për t’ia mohuar golin.

Deri në fishkëllimën e fundit të gjyqtarit për këtë pjesë nuk pati më raste për gol dhe të dy ekipet shkuan në pushim mes pjesëve me rezultat të barabartë.

Mbetet të shihet se cili do të jetë reagimi i Real Madridit në pjesën e dytë, pasi në të parën kemi parë shumë pak nga ata./Telegrafi/