Plagosje me thikë në Vlorë, arrestohen dy vëllezër

Një 33-vjeçar, i identifikuar si Olsen Refati, është plagosur me thikë në qytetin e Vlorës. Policia njofton se bëhet fjalë për një konflikt çasti mes të plagosurit dhe dy të rinjve të tjerë, të cilët mësohet se janë vëllezër.

Dy vëllezërit janë vënë në pranga nga uniformat blu. Konflikt për motive të dobëta fillimisht ka sjellë konfrontim fizik dhe më pas përdorimin e thikës.

Në drejtimin e Prokurorisë, vijon puna hetimore për sqarimin e rrethanave të ngjarjes.