“Plani B” i Barcelonës në rast se dështon transferta e Nico Williams

Barcelona mund t’i drejtohet anësorit të Bayern Munichut, Kingsley Coman, në rast se dështon në blerjen e Nico Williams.

Barcelona ka qenë e lidhur me një lëvizje për sulmuesin e ri spanjoll gjatë gjithë verës, megjithatë, Athletic Club kohët e fundit la një aluzion se anësori do të qëndronte në vend. Gjigantët katalanas po kërkojnë të forcojnë skuadrën e tyre përpara sezonit 2024/25 dhe janë të dëshpëruar për të shtuar një tjetër sulmues përkrah Dani Olmo.

Tani Fabrizio Romano raporton se Blaugranët kanë filluar të diskutojnë për emra alternativë dhe mund të kthehen te anësori i Bayern Munichut, Kingsley Coman. Klubi bavarez e ka informuar tashmë francezin se ai është konsideruar si tepricë ndaj kërkesave të Vincent Kompany dhe është i lirë të largohet nga Allianz Arena këtë verë. /vizionplus.tv