Pse Felix është më i lehtë për t’u nënshkruar sesa Cancelo, pavarësisht çmimit më të madh

Joao Felix dhe Joao Cancelo iu bashkuan Barcelonës në marrëveshje huazimi në orët e fundit të afatit kalimtar.

Dyshja po akomodohen mjaft mirë dhe tashmë po flitet për mbajtjen e tyre në klub verën e ardhshme.

Megjithatë, nuk do të jetë e lehtë, duke marrë parasysh çmimet e tyre. Lëvizja e përhershme e Felixit do t’i kushtonte Barçës 80 milionë euro ndërsa Cancelo do të ishte rreth 25 milionë euro.

Çuditërisht, lëvizja e Felixit konsiderohet më e lehtë për t’u realizuar. Sipas Lluis Miguelsanz të Diario Sport, Deco tashmë ka një plan në mendje – për të shkëmbyer lojtarë me Atleticon.

Për të nënshkruar me portugezin, katalanasit thuhet se janë gati të ndahen me një prej yjeve të tyre. Është ose Ansu Fati – nëse huazimi i tij në Brighton rezulton i suksesshëm, ose Ferran Torres.

Manchester City, nga ana tjetër, aktualisht nuk është në marrëdhënie të mira me Barçën dhe mund të konsiderojë shitjen e mbrojtësit të krahut te një klub tjetër me një ofertë më të mirë. /Telegrafi/