PSG tregon një formë shumë të mirë para duelit të radhës në Champions kundër Milanit, të martën në San Siro.
Kryeqytetasit mundën Montepellier 3 me 0 në shtëpi në duelin e javës së 11 të kampionatit francez.
Skuadra e Luis Enriques kaloi shumë shpejt në avantazh në minutën e 10 me anë të Li Kang, i cili goditi bukur pas një pasimi të saktë nga e djathta të Hakimit.
Në pjesën e dytë ishte fillimisht Zaire Emeri që dyfishoi në një aksion me protagonist të madh Dembelen.
Pak minuta më vonë Karimi dha asistin e dytë të ndeshjes duke i dhënë mundësi Vitinjes të shënonte edhe golin e tretë dhe të fundit të ndeshjes.
PSG ngjitet në 24 pikë duke mbajtur kreun të paktën përkohësisht, në pritje të rezultatit të Nice të dielën në mbrëmje kundër Rennes.