Qindra besimtarë myslimanë në Durrës falin namazin e Kurban Bajramit në xhaminë e madhe

Qindra besimtarë myslimanë në Durrës kanë falur namazin e Kurban Bajramit në xhaminë e madhe.

Gazetarja Klodiana Haxhiaj raporton për Balkanweb se besimtarët i janë drejtuar xhamisë së qytetit ku kanë kryer ritin e faljes dhe kanë shkëmbyer mesazhet e dashurisë vëllazërore e të mirëqenies në çdo familje.

Ashtu si dhe vitet e tjera, shkallët dhe xhamia janë mbushur plot me besimtarë të të gjitha moshave.

Sipas zakonit, në këtë ditë të rëndësishme për myslimanët, besimtarët kanë prerë kurban e një pjesë ua kanë shpërndarë njerëzve në nevojë, ndërsa në orët e para të ditës shtrojnë drekën me miq e familjarë.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb