Rama mbledh qeverinë në Lezhë, 2 ditë diskutime mbi riorganizimin e qeverisjes dhe partisë

E gjithë mazhoranca socialiste është shpërngulur në një resort privat në Shëngjin në një takim informal.

Kabineti qeveritar, grupi parlamentar dhe sekretariati i kësaj force po diskutojnë prej mëngjesit të sotëm për organizimin si në qeverisje ashtu dhe në parlament e në parti.

Mbledhja do të zgjasë dy ditë dhe është konceptuar e ndarë në disa panele diskutimi.

Gjatë paradites pas fjalës së kryeministrit është diskutuar për riorganizimin e grupit parlamentar për sesionin e ri që nis javën e ardhshme, por dhe për platformën e riorganizimit politik të prezantuar dhe në Kongresin e 8 Dhjetorit.

Gjatë pasdites do të analizohen rezultatet e sondazheve për burimet njerëzore në administratë, për objektivat e inovacionit, procesin e derregulimit të shërbimeve si dhe për projektin pilot të regjistrimit të tokës.

Paraditja e nesërme do të jetë e dedikuar vetëm për ministrat që do të prezantojnë prioritetet e këtij viti.

Tv Klan

Të ngjashme