Kryeministri Edi Rama është takuar ditën e sotme me ambasadorin britanik, Alastair King-Smith. Lajmin e ka bërë të ditur ambasada britanike në “Facebook” ku ka zbardhur çështjet ku është fokusuar takimi Rama-King Smith.
Ambasada bën të ditur se takimi u zhvillua në kuadër të theksimit të partneritetit të palëkundur mes Shqipërisë dhe Mbretërisë së Bashkuar, duke përfshirë dhe emigracionin e paligjshëm. Për këtë të fundit thotë se Shqipëria mbetet një prej partnerëve të tyre më të rëndësishëm në rang ndërkombëtar.
“Ambasadori britanik, Alastair King-Smith, u takua sot me Kryeministrin e Shqipërisë Edi Rama për të theksuar partneritetin e palëkundur mes Shqipërisë dhe Mbretërisë së Bashkuar, duke përfshirë emigracionin e paligjshëm, ku Shqipëria mbetet një prej partnerëve tanë më të rëndësishëm në rang ndërkombëtar.”
Më tej, ambasada britanike thekson se në takim u diskutua mbështetja e re e Mbretërisë së Bashkuar për Reformën në Drejtësi dhe përpjekjet kundër korrupsionit, duke përfshirë Policinë e Shtetit.
“Ata diskutuan mbështetjen e re të Mbretërisë së Bashkuar për Reformën e Drejtësisë dhe përpjekjet kundër korrupsionit, duke përfshirë Policinë e Shtetit Shqiptar.”
Kryeministri Rama dhe ambasadori Alastair ranë gjithashtu dakord të vlerësojne zgjerimin e partneritetit tregtar, si edhe në fushën e Mbrojtjes.
/tvklan.al
Të ngjashme