Samiti i 29 Shkurtit dhe integrimi në fokus të bisedës
I ndodhur në Bruksel për mbledhjen e Komitetit Ekonomik dhe Social Europian, Kryeministri Edi Rama ka zhvilluar një takim me Presidenten e Komisionit Europian, Ursula Von Der Leyen.
Lajmin e ka ndarë në rrjetet sociale vetë kreu i qeverisë, i cili më herët u takua edhe me Presidentin e Këshillit Europian, Charles Michel.
Ky i fundit pas takimit me kryeministrin Rama ka zbardhur një pjesë të diskutimeve në takimin kokë më kokë.
Përmes një njoftimi në platformën X, Presidenti i Këshillit Europian thotë se me kreun e qeverisë shqiptare ka diskutuar rreth rrugëtimit të Shqipërisë në Bashkimin Europian dhe mbështetjes se e ardhmja e Ballkanit Perëndimor është në union.
Teksa ka përshëndetur nismën për të pritur në 29 Shkurt samitin rajonal të liderëve të Ballkanit perëndimor-Ukrainë në Tiranë, Michel shkruan se BE-ja është mirënjohëse për mbështetjen që Shqipëria dhe rajoni i Ballkanit kanë dhënë për Ukrainën.
Ndërkohë të enjten përpara hapjes së punimeve të këtij komiteti në orën 9:00 Presidenti i këtij forumi do ketë një konferencë të përbashkët për shtyp me kryeministrin Rama dhe atë të Malit të Zi, Milojko Spajiç.
Tv Klan
Të ngjashme