Ronaldo i përgjigjet Lionel Messi-t

Pak muaj më parë, konkurrenca ekzistonte brenda kontinentit, teksa tashmë Cristiano Ronaldo dhe Lionel Messi rivalizojnë në distanca të largëta. Sulmuesi portugez iu përgjigj me gol dopietës që argjentinasi shënoi në Kupën e Ligës të Amerikës Qendrore dhe Veriore. Ronaldo shmangu humbjen e Al Nassr përballë Zamalek, pasi shënoi golin e barazimit 1-1 në duelin e vlefshëm për Champions League arabe.

38-vjeçari kërceu më shumë se mbrojtësi dhe me kokë tundi rrjetën kundërshtare. Gol tepër i bukur dhe që dërgoi në delir tifozët e Al Nasër, pasi u kualifikuar në raundin play-off të kompeticionit. Ky ishte goli i dytë për Ronaldon në këtë turne, duke kontribuar që Al Nasër të zë vendin e dytë në grup. Në këtë 90 minutësh debutoi edhe blerja e re e skuadrës arabe, Sadio Mane, i aktivizuar nga stoli në fillim të pjesës së dytë.

Klan News

Të ngjashme