“S’ka mosbindje civile që manifestohet me djegie dhe dhunë fizike”, Manja i revoltuar për tensionet në Kuvend: I kanë hyrë një rruge pa krye!

Ministri Ulsi Manja, në përfundim të mbledhjes së Këshillit të Ministrave, ka komentuar edhe atë që ndodhu të hënën në Kuvend dhe kërkesën e PD për qeveri teknike.

Ai u shpreh se hallet e shqiptarët nuk zgjidhen me mosbindje civile ndaj drejtësisë, duke shtuar se ata që kanë zgjedhur këtë mënyrë, i kanë hyrë një rruge pa krye.

“Shqipëria në rrugë pa kthim, për integrimin në BE. Kjo është sfidë për ne, shqiptarët kanë probleme që kërkojnë zgjidhje që vijnë me punë, objektiva të qartë, dhe nuk besoj se ka rrugë tjetër pa kthim përveç kësaj. Shqiptarët presin shkurtimi e rrugës për t’u anëtarë me të drejta të plot në BE.
Rruga tjetër është pa kthim e pa krye.
Hallet e shqiptarët nuk zgjidhen me mosbindje civile ndaj drejtësisë.
Nuk njoh mosbindje që shkon në djegie dhe dhunë fizike.
Rrugë pa krye për ata që kanë marrë përsipër ta bëjnë, por që nuk u shërben as Shqipërisë e as shqiptarëve”, tha ai.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb