Bjellorusia kualifikohet në çerekfinalet e turneut amerikan, eliminon Kasatkina-n
Arina Sabalenka u kualifikua në çerekfinalet e US Open për të tretin vit radhazi pasi mundi Daria Kasatkina-n 6-1 6-3.
Kampionia e Australian Open Sabalenka do të ngjitet e para në renditjen botërore për femra në përfundim të turneut amerikan.
Kundërshtarja e saj, Kasatkina, e pati të pamundur që t’i bënte ballë bjelloruses, që gjithashtu e mposhti në Sinsinati Open muajin e kaluar.
“E kam shtyrë veten shumë për t’u bërë numri një i botës dhe me të vërtetë do të thotë shumë për mua, do të thotë shumë për familjen time dhe është thjesht e pabesueshme, Akoma nuk e besoj! Realisht kisha frikë se mos më shpërqëndronte ky lajm dhe isha shumë e fokusuar në këtë ndeshje.”
Kundërshtarja e radhës në çerekfinalen e Grand Slemit do të jetë tenistja kineze Zheng Kinvnen, që eliminoi finalisten e 2022 Ons Zhaber.
Klan News
Të ngjashme