Sara Gjordeni deklaron se ka tentuar të dalë nga BBVA, pro produksioni nuk e ka lejuar

Në një zhvillim të papritur brenda shtëpisë së “Big Brother VIP Albania 3”, modelja dhe prezantuesja e njohur Sara Gjordeni ka ndarë me bashkëbanorët e saj një përvojë të brendshme që ka kaluar ditët e fundit.

Në një bisedë të fshehtë dhe plot tension me konkurrenten Riken, Sara ka shprehur se ka pasur një moment të dobësisë ku ka dëshiruar të largohej nga gara.

Sara ka treguar se të hënën ka bërë përpjekje të largohet por është përballur me një ndalim nga ana e produksionit të programit.

“Ti e di që unë të hënën kam tentuar të iki. Më kanë mbajtur këtu. Ja ta them unë. Dhe s’më kanë lënë të iki, veçse nga kjo histori”, ka rrëfyer ajo me një ton të përzemërt, duke zbuluar një anë më të ndjeshme të karakterit të saj në sytë e publikut.

Komenti i Rikes ka pasur më shumë të bëjë me rregullat e programit, duke i kujtuar Sarës se disa gjëra nuk duhen ndarë hapur: “Mos e thuaj, se s’duhet të thuhet”.

#bbvipal pic.twitter.com/DjYJu4H4jY

— Sam🧏🏼‍♀️ (@shx_sam) January 26, 2024

Kjo kërkesë për të mos folur për përpjekjen e saj për të larguar nga programi tregon rregullat strikte të “Big Brother” për ruajtjen e imazhit dhe kontrollin e informacionit që del në publik.

Sara, e cila deri më tani ka treguar një imazh të fortë dhe të pavarur, ka zbuluar ndjenjat e saj të vërteta që rrallëherë i shpalos përpara kamerave, duke i bërë shikuesit të ndjejnë solidaritet dhe të kuptojnë më thellësisht sfidat e të qenurit pjesë e një spektakli të tillë. /Telegrafi/