Scaloni: “Do të duhet të ndryshojmë, Di Maria dhe Messi – të pazëvendësueshëm”

Lamtumira e Di Marias me kombëtaren dhe ulja e karrierës së Lionel Messit do të jenë goditje shumë të rënda për Argjentinën. Këtë e ka konfirmuar edhe trajneri i kampionëve të botës, Lionel Scaloni:

“Janë të pazëvendësueshëm,- tha trajneri në një intervistë të fundit. – Ata nuk janë lojtarë që mund të zëvendësohen, është e pamundur. Nuk ka asnjë mundësi, të dy, Fideo dhe Leo janë lojtarë unikë.”

Scaloni javët e fundit është përpjekur të bindë Di Marian që të vazhdojë me kombëtaren të paktën në Kupën e Botës 2026, por më kot: “Në rastin e Fideos, ne nuk do të kërkojmë një zëvendësues. Do të ishte gabim të kërkojmë një lojtar që mund të bëjë të njëjtën gjë si ai, nuk ekziston.

Është e vërtetë që ai na dha gjerësi si në të djathtë ashtu edhe në të majtë. Ishte lojtari numër 1, i të kuptuarit e lojës dhe largimit nga zona… dhe të gjitha lojërat e pabesueshme që ka bërë vetëm ai. Nuk po them që skuadra duhet të rivendoset, por meqë Ángel nuk është atje, pse të mos ndryshojmë mënyrën se si luajmë”.

Diskutimi për Leo Messin fatmirësisht është shtyrë, duke qenë se ylli i Inter Miamit nuk e ka përjashtuar ende mundësinë për të luajtur në Botërorin 2026: është e qartë se humbja e të dyve në harkun kohor të disa muajve do të rrezikonte seriozisht konkurrencën e skuadrës Albiceleste.