“Tempulli”, arrestohet 26-vjeçari i shpallur në kërkim në Tiranë

Policia ka vënë në pranga një 26-vjeçar, në kuadër të megaoperacionit antidrogë “Tempulli”. 26-vjeçari rezultonte i shapllur në kërkim, pasi gjykata i ka caktuarmasën e sigurisë “Arrest në burg”, për veprën penale “Prodhimi dhe shitja e narkotikëve”.

Numri i të arrestuarve në kuadër të këtij operacioni ka shkuar në 95, në Tiranë.

Më parë, gjatë zhvillimit të këtij operacioni, janë sekuestruar 10 kg kanabis, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 mijë euro, 6000 paund, 4 500 000 lekë dhe 12 targa automjetesh.