11 months ago
10
Durrsakët ulin për herë të pestë në stol trajnerin e katër titujve
Sa herë që skuadra ka nevojë, ai gjendet gjithmonë aty për të ndihmuar. Edi Martini është i zgjedhuri i Teutës për stolin. Tekniku shkodran ka bindur sërish drejtuesit për t’i ofruar pankinën e durrsakëve për t’u vënë kështu në krye të skuadrës për herë të pestë në karrierë.
Me anë të një postimi në faqen zyrtare, skuadra durrsake ka zyrtarizuar Martinin, i cili është edhe trajneri më i suksesshëm tek kjo skuadër. Nën urdhërat e tij, Teuta ia ka dalë të fitojë 4 trofe.
Në këtë post, Martini zëvendëson të shkarkuarin Diego Longo. Italiani nuk bindi në rezultate në 4 javët e para. Në këto takime, Teuta ka grumbulluar 4 pikë, për të notuar në ujëra të turbullta në zonën e fundit të tabelës. Martini do të debutojë në stolin e Teutës në duelin e kësaj të mërkure kundër Kukësit të vendit të fundit.
Të ngjashme
English (US) ·