Tifozët e Anglisë dhe Skocisë duhet t’u binden tri rregullave strikte në Euro 2024

Tifozët e Anglisë dhe Skocisë duhet të jenë të vetëdijshëm për ligjet e rrepta të Gjermanisë ose mund të përballen me gjoba të rënda.

Janë tri ligje që tifozët e zhurmshëm anglezë dhe skocezë duhet të kenë kujdes, ndryshe mund të përfundojnë edhe në burg.

Ligjet e pijeve: Disa zona kanë kufizime për pijet publike. Analisti i futbollit dhe eksperti i kulturës Alex Hemming paralajmëron: “Nëse ju kapin duke pirë në këto zona të kufizuara, mund të përballeni me gjoba deri në 50 euro. Kontrolloni gjithmonë rregulloret lokale për të shmangur ndëshkimet e panevojshme”.

Ligjet për vendkalimin e këmbësorëve: Prisni sinjalin jeshil, ose mund të gjobiteni 5-10 euro. Lehtë për t’u shmangur – vetëm jini të durueshëm.

Orët e mbrëmjes: Mbani qetësi nga ora 22:00-06:00 gjatë ditëve të javës dhe gjatë gjithë ditës të dielave dhe festave publike. Alex shpjegon: “Shkelja e këtyre rregullave mund të rezultojë në gjoba duke filluar nga 50 euro, të cilat mund të rriten ndjeshëm bazuar në shqetësimin e shkaktuar”.

Kjo është veçanërisht e rëndësishme me ndeshjet e Anglisë kundër Serbisë dhe Sllovenisë, dhe ndeshjet e Skocisë kundër Zvicrës dhe Hungarisë që fillojnë të gjitha në orën 21:00 me kohën lokale. /Telegrafi/