Politika
Nga: M.Haziri Më: 19 janar 2024 Në ora: 22:33
Një deklaratë së fundmi që mori vëmendjen e opinonit publik është ajo e deputetit, të PDK-së, Abelard Tahiri.
Ai thotë se nëse miratohet draftstatuti për Asociacionin serb nga Albin Kurti, do ta ketë problem qëndrimin në Kosovë.
E në lidhje me këtë ka folur për “Bota sot”, avokati Tomë Gashi.
Ai thotë askush më mirë se Kurti nuk e ka mbrojtë Kosovën, pasi Tahiri dhe ata që kanë qenë në pushtet kanë ofruar Asociaiconin pa ia kërku askush.
“Askush më mirë nuk e ka mbrojt Kosovën nga veprimet e atyre që ishin në pushtet para tij se Kurti. Ata që e kanë ofruar Asociacionin pa e kërkuar askush duket që kanë pas agjenda të veta për shumë arsye me marr Serbinë më të mirë”, u shpreh ai.
Më tej, Gashi thotë që opozita e tanishme sa ka qenë në pushtet kanë dëmtuar aq shumë Kosovën sa edhe kanë tentuar të ndërhyjnë në kufijtë të Kosovës.
“Posaçërisht duke qenë të korruptuar e si pasoj e kësaj të shantazhuar dhe kanë nënshkruar thuja se çka do që kërkonte Serbisë për çështje të brendshme të Kosovës , dhe shkuan aq larg sa që dolën haptas me propozime për përmisim të kufijve të Kosovës në dëm të vet Kosovës. Duke deklaruar se do të ja kthejnë Serbisë 4 komuna të veriut të Kosovës pasi sipas tyre qenkan komuna të Rankoviqit.
Kështu që kush flet për Albinin mendon për atë që të tjerët e dëmtuan Kosovën dhe e gjuajnë gurin tek ai se tek shefat e vet ende nuk guxojnë”, përfundoi Gashi për “Bota sot”.