Trajneri i Fushë Kosovës, Burim Shala: Ballkani shumë i fortë, por kemi pritur një barazim

Fushë Kosova humbi nga Ballkani, por sipas trajnerit të tyre Burim Shala, ata ende nuk është dorëzuar.

Fushë Kosova të mërkurën humbi nga Ballkani me rezultat 2-0, ku kishte edhe disa mungesa.

“Edhe pse e kemi ditur forcën e Ballkanit, që është një prej skuadrave më të mira në Kosovë, kam pritur rezultat pozitiv, së paku një barazim. E kemi përgatitur ndeshjen po në atë mënyrë se si e morëm golin”.

“U munduam t’i ndalim depërtimet, pasimet vertikale, por në momentet kyçe pranuam gol. Kur pranon gol nga Ballkani, është vështirë të kthehesh. Në pjesën e dytë e ndryshova skemën e lojës. Luajtëm më mirë në mbrojtje, nuk e shënuam një rast që e patëm me Jevkiqin. Dhe më pas nuk arritëm ta ngushtojmë rezultatin”.

“Jashanica, Mëziu dhe Abazi janë mungesa të mëdha, ishin përforcimet e ekipit. Përveç ndeshjes me Ballkanin, në të gjitha ndeshjet kemi pasur raste të shënonim gola. Kemi krijuar raste dhe kemi dominuar. Loja e ardhshme është kyçe që të marrim rezultat pozitiv, pse jo edhe fitoren e parë”, ka thënë Shala për “ArtMotion”. /Telegrafi/