U ekzekutua në Sukth, ky është viktima Fatjon Dervishi, dyshimet dhe pistat qw po heton policia

Ky është 37-vjeçari që u ekzekutua mbrëmjen e djeshme në Katund Sukth. Fatjon Dervishi sipas policisë, ishte i hetuar dhe i dyshuar në Holandë për trafik droge.

Gazetari Igli Çelmeta raporton për BalkanWeb se kur është qëlluar me armë nga atentatorët Fatjon Dervishi ishte duke drejtuar makinën, ndërsa shoqërohej nga një shoku i tij, i cili nuk është prekur nga plumbat.

Sipas dëshmisë së këtij të fundit rezulton se ata kishin qenë në një lokal dhe po ktheheshin për në shtëpi kur janë goditur.

“Ishim në një lokal dhe po ktheheshim në shtëpi kur na qëlluan”, -ka deklaruar në polici shoku i viktimës.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb