U gjet i plagosur në rrugë, shqiptari humb jetën në spital/ Çfarë ndodhi në Gjermani

Një 39-vjeçar shqiptar ka humbur jetën në spital pasi u gjet i plagosur në rrugë një natë më parë. Ngjarja ka ndodhur në Eisenbahnstrasse në Leipzig. Policia po heton një vrasje, tha një zëdhënëse.

Dëshmitarët kishin parë të plagosurin në gjendje të rëndë, i cili ishte i shtrirë në Eisenbahnstrasse. Sipas informacioneve, shqiptari ka ndërruar jetë më pas në spital.

Sipas zëdhënëses së policisë, ka pasur një përleshje fizike – ende po hetohet nëse janë përdorur armë. Fillimisht nuk pati asnjë të arrestuar. Sfondi i mosmarrëveshjes gjithashtu mbeti i paqartë për momentin. Për të siguruar gjurmët, zona e Eisenbahnstrasse u mbyll përkohësisht gjatë natës, raportojnë mediat gjermane.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb