Usher njoftoi turneun “Past Present Future” për të promovuar albumin e tij të ardhshëm “Coming Home”

Usher dha një lajm të madh përpara performancës së tij të pjesës së parë në Super Bowl LVIII në Las Vegas këtë fundjavë.

45-vjeçari njoftoi turneun e tij “Past Present Future” në mbështetje të albumit të tij të ri “Coming Home”, i cili do të publikohet të premten.

Tani paraqitja e Usher, gjatë ndeshjes së Kampionatit NFL midis “Kansas City Chiefs” dhe “San Francisco 49ers” është kthyer në një performancë të tipit promo për albumin dhe turneun e ri, shkruan DailyMail.

“Coming Home” është albumi i nëntë në studio i këngëtarit dhe ai e përshkroi atë si një ‘letër dashurie… për trashëgiminë e karrierës sime’, raportoi USA Today.

Turneu i ardhshëm do të ndalojë në 24 arena duke filluar në Uashington DC në gusht dhe duke përfunduar në Chicago në tetor.

Usher së fundi përfundoi rezidencën e tij dyvjeçare në My Way Las Vegas pas të 100-të në dhjetor dhe fansat dëshironin shumë që ai të bënte turne në vend përsëri.

“Vegas ka ofruar një mundësi për të festuar të kaluarën dhe për të festuar rekordet, numrin 1, lidhjen me audiencën, argëtimin,” tha Usher për USA TODAY në nëntor.

“Dhe më pas momenti i Super Bowl ofron jo vetëm këtë, por më pas një vazhdim në kapitullin tjetër” – tha ai, duke treguar për albumin e tij të ardhshëm “Coming Home”. /Telegrafi/