10 months ago
24
Në përfundim të samitit të mbajtur sot në Bruksel mes përfaqësuesve të Bashkimit Europian dhe atyre të Ballkanit Perëndimor kamerat kanë fokusuar edhe një ballafaqim të kryeministrit Rama me homologun e tij grek Kyriakos Mitsotakis.
Në pamjet e publikuara Rama duket se bisedon me kreun e qeverisë greke, e cila ka paralajmëruar se do të vendosë veton kundër anëtarësimit të Shqipërisë në Bashkimin Evropian.
Sipas saj mos lejimi i kryebashkiakut të zgjedhur të Himarës Fredi Beleri të betohet është një veprim që bie ndesh me të drejtat e njeriut.
Rama dhe Mitsotakis duket se bisedojnë me tone normale me njëri-tjetrin, ndërsa të dy i bashkohen liderëve të tjerë të Europës dhe rajonit për të shkrepur foton familjare në përfundim të samitit.
Megjithatë nuk dihet nëse dy liderët kanë gjetur gjuhën e përbashkët për zgjidhjen e situatës, e cila ka krijuar një ngërç diplomatik prej muajsh.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·