Viktima në Sukth s’ishte vetëm në makinë kur iu bë atentati/ “Po ktheheshim nga lokali kur…”, zbardhet dëshmia e shokut

38-vjeçari që mbeti i vrarë mbrëmë pasi u qëllua me armë zjarri nuk ishte i vetëm në momentin kur ndodhi atentati. Ngjarja në fjalë ndodhi në Katund, Sukth të Durrësit, pak pas mesnate. Gazetari Igli Çelmeta raporton për BalkanWeb se kur është qëlluar me armë nga atentatorët Fatjon Dervishi ishte duke drejtuar makinën, ndërsa shoqërohej nga një shoku i tij, i cili nuk është prekur nga plumbat.

Sipas dëshmisë së këtij të fundit rezulton se ata kishin qenë në një lokal dhe po ktheheshin për në shtëpi kur janë goditur.

“Ishim në një lokal dhe po ktheheshim në shtëpi kur na qëlluan”, -ka deklaruar në polici shoku i viktimës.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb