Ylli i Manchester United i vetëofrohet Barcelonës

Barcelona nuk ka shumë hapësira për të manovruar në afatin kalimtar të janarit dhe ky ka qenë problemi që prej emërimit të Joan Laportas për herë të dytë si president i klubit.

Blaugranasit momentalisht mund të përballojnë vetëm marrëveshjet me çmim të lirë ose lojtarët që nuk janë të angazhuar në klube. Një profil si ai i Donny Van De Beek i Manchester United, mund të konsiderohet nga katalanasit.

Mesfushori holandez ka vuajtur për të pasur minuta në këmbët e tij, që prej se u transferua në Angli nga Ajax, madje as ardhja e ish-trajnerit të Ajaxit, Erik Ten Hag, nuk bëri që situata e tij të ndryshojë.

Këtë sezon, ai ka luajtur vetëm 21 minuta ndërsa sezonin e kaluar kishte luajtur rreth 291 minuta gjatë tërë sezonit.

Andaj është diçka e arsyeshme fakti që ai po kërkon të largohet nga klubi gjatë janarit. Juventusi janë të interesuar për shërbimet e tij, pasi po kërkojnë të zëvendësojnë mungesat e Paul Pogbas dhe Nicolo Fagiolit.

Sidoqoftë, gazeta katalanase Sport, ka raportuar se ai i është vetëofruar Barcelonës ndërsa kujtojmë se blaugranasit kishin qenë të interesuar për të një kohë, në përpjekje për të formuar një dyshe prej De Jong dhe De Beek.

Bordi i Barcelonës nuk janë të gjithë të mendimit për idenë e nënshkrimit të tij, por stafi i trajnerëve beson se ai do të luantë një rol duke marrë parasysh lëndimin e Gavit dhe sezonin e gjatë.

Në rast se Van De Beek synon transferimin tek Barcelona, atëherë atë e pret një konkurrencë e ashpër me emra si Pedri, Gundogan, De Jong, Sergi Roberto dhe Fermin Lopez./Telegrafi/