Zjarri djeg 4 hektarë ullishte dhe pyje në Krujë/ Flakët “kërcënojnë” banesat, kërkohet ndërhyrje nga ajri

Një zjarr ka rënë këtë të hënë në fshatin Mazhë e Madhe të Krujës. Mësohet se flakët kanë djegur rreth 4 hektarë ullishte e pyje.

Zjarri po përhapet me shpejtësi, pasi po favorizohet nga era, duke rrezikuar kështu disa banesa të braktisura.

Ndërhyrja me mjete zjarrfikëse është e vështirë për shkak të terrenit të thyer, ndaj është kërkuar ndihmë për shuarjen nga ajri.