Zjarri përfshin Shëngjinin, flakët depërtojnë në banesa e resorte, në rrezik depozita me 5 mijë litra gaz

Teksa flakët vijojnë të përparojnë në Shëngjin shumë banorë dhe pushues në zonë kanë nisur të largohen, ndërsa forcat zjarrfikëse vijojnë betejën për shuarjen e flakëve.

Mësohet se pranë lagjes së portit të Shëngjinit ndodhet një depozitë me rreth 5 mijë litra gaz, gjë që ka alarmuar autoritetet dhe banorët aty pranë.

Sipas raportimit të gazetarit të Neës24, Osman Stafa në zonën e ‘Ranës së Hedhun’ zjarri ka depërtuar në banesa dhe resortet turistike.

I favorizuar edhe nga era e fortë, zjarri ka arritur të përfshijë edhe varrezat e Shëngjinit, me autoritetet që e kanë pasur të pamundur ndërhyrjen për shuarjen e zjarrit.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb