1 year ago
33
Zonja e Parë, Armanda Begaj ka bërë thirrje për reflektim në Ditën Botërore të Shëndetit Mendor, me qëllim që t’i kushtojmë sa më shumë vëmendje problemeve të shëndetit mental si ndjenjat e ankthit apo depresionit që lenë gjurmë në gjendjen tonë psikologjike.
Sipas Begajt, çdokush nga ne është i ekspozuar ndaj fenomeneve që çojnë në mungesë të mireqënies të shëndetit mendor, sidomos në periudhën ku po jetojmë, e cila është e mbushur me ngjarje tragjike; pandeminë, luftën, ndryshimet e klimës.
“Çdokush është i ekspozuar ndaj fenomeneve që çojnë në mungesë të mireqënies të shëndetit mendor. Adoleshentët dhe të rinjtë, fëmijët tanë më shumë.
Koha që po jetojmë na dhuroi ngjarje tragjike; pandeminë, luftën, ndryshimet e klimës. Informacioni është fuqi, por abuzimi më të është shkatërruesi më i madh i shoqërisë.
T’i ndajmë me njëri – tjetrin ndjenjat e ankthit, depresionit, apo ndonjë sfide tjetër, që lenë gjurmë dhe ngarkojnë hapësirën tonë, duke shfaqur mungesë përshtatjeje e komunikimi!
Të sigurojmë një mjedis tolerant dhe mbështetës për të gjithë, pa stigmë e diskriminim! Askush të mos jetë vetëm duke luftuar në heshtje!
Bashkë mund të ndryshojmë! Bashkë mund të ndihmojmë njëri-tjetrin!
Bashkë mund të ndërtojmë një të ardhme më të shëndetshme për mendjen dhe shpirtin!”- tha Begaj.
Top Channel
English (US) ·