Zveçla nxjerr të tjera fakte: Ushtria serbe furnizoi me armatim grupin terrorist që kreu sulmin në veri

Të tjera prova që që implikojnë autoritetet në Beograd me sulmin terrorist në veri, janë bërë publike nga ministri i brendshëm i Kosoves  Xhelal Svecla.

Ai ka treguar në rrjetet sociale një dokument  të ushtrisë serbe, te gjetur gjatë kontrrollit në Banjske të  Zvecanit .

Ky dokument sipas ministrit  është një tjetër dëshmi  për lidhjen  e sulmuesve me Beogradin zyrtar.

XHELAL SVEÇLA

MINISTER I BRENDSHEM I KOSOVES

“Shtohen një pas një dëshmitë e lidhjes zyrtare mes shtetit të Serbisë dhe grupit terrorist që kreu vrasjen e policit Afrim Bunjaku dhe përgatitjen e aksionit kundër rendit kushtetues me qëllim destabilizimin e Republikës së Kosovës. Ky dokument është vërtetim që ushtria e Serbisë i ka dhënë grupit me rastin e dorëzimit të lansuesit të granatave, që më pas u zu nga Policia e Kosovës në aksionin e 24 shtatorit.

Ministri i Brendshem nënvizoi se këto fakte tregojne  se Serbia po mbeshtet këto grupe terroriste politikisht, financiarisht dhe me logjistikë.

Një ditë më parë u bë e ditur se një nga terroristët e vrarë gjatë shkëmbimit të zjarrit, ishte truproja e shefit të shërbimit secret serb, Aleksandër Vulin. Po ashtu, videot e siguruara nga Manastriri tregojnë se grupi udhehiqej nga Millan Radojcic, nënkryetari I Listës Serbe.