Zyrtare: Julian Nagelsmann emërohet trajner i Gjermanisë

Julian Nagelsmann do të drejtojë Kombëtaren e Gjermanisë në Euro 2024 pasi u emërua trajneri i ri i kombëtares pas largimit të Hansi Flick.

Nagelsmann është konfirmuar nga Federata Gjermane e Futbollit si trajneri i ri i Gjermanisë pas shkarkimit të Flick.

Ish-trajneri i Bayern Munichut ka nënshkruar një kontratë që zgjat deri në fund të korrikut 2024. Sandro Wagner dhe Benjamin Gluck do të punojnë si ndihmës të tij me kombëtaren.

“Julian Nagelsmann do të drejtojë ekipin kombëtar të Gjermanisë në Kampionatin Evropian vitin e ardhshëm. Trajneri 36-vjeçar nënshkroi sot një kontratë në kampusin e DFB në Frankfurt am Main deri më 31 korrik 2024”, thuhet në njoftim.

✍️ Der Vertrag ist unterschrieben: @J__Nagelsmann wird unser Team als Bundestrainer zur @EURO2024 führen.
Herzlich willkommen, Julian! 🤝

➡️ https://t.co/UlRvIjWlt4#DFBTeam | 📸 Getty Images pic.twitter.com/5FhIPxA4Od

— DFB-Team (@DFB_Team) September 22, 2023

Emerimi si trajner i Kombëtares së Gjermanisë e ka lumturuar Nagelsmannin, e cili e ka cilësuar si diçka të veçantë.

“Ne kemi një kampionat evropian në vendin tonë. Kjo është diçka e veçantë – diçka që ndodh çdo disa dekada. Unë i nënshtrohem çdo gjë faktit të të pasurit një turne të madh në një vend të madh”.

“Unë kam një dëshirë të madhe për të marrë përsipër këtë sfidë. Paraqitja në Dortmund ishte fillimi. Ne do të jemi një grup i lidhur ngushtë vitin e ardhshëm”, ka thënë Nagelsmann. /Telegrafi/

Bereit! 🤝 @EURO2024 #DFBTeam | 📸 Thomas Böcker/DFB pic.twitter.com/WAMhsmbPLR

— DFB-Team (@DFB_Team) September 22, 2023