A do shkarkohet sot Pochettino? Chelsea raportohet se ka gjetur trajnerin e ri

8 months ago 28

Chelsea pësoi një humbje të rëndë 4-2 në shtëpi kundër Wolves dhe ka rënë jashtë top 10 në Ligën Premier.

Blutë kanë dështuar këtë sezon me të gjitha standardet e mundshme dhe pyetjet po i bëhen Mauricio Pochettinos.

Në janar, u raportua se argjentinasi mund të largohej nga klubi, por një gjë e tillë nuk ndodhi.

Todd Boehly dhe bashkëaksionarët e tjerë i besuan atij për ta përfunduar këtë sezon dhe më pas ata do të marrin një vendim bazuar në të gjithë sezonin.

The Athletic shkruan se e ardhmja e Pochettinos është ‘në ajër’ pas ndeshjes së Wolves. Ky raportim i mediumit u kujton tifozëve se “Potter ishte i sigurt deri sa u shkarkua” – trajneri aktual mund të shkarkohet po aq shpejt sa anglezi.

Chelsea thuhet se është e interesuar në Xabi Alonson dhe e sheh atë si favorit për të marrë postin, gjersa Xavi, Jose Mourinho, Hansi Flick dhe Julian Nagelsmann, janë po ashtu emrat në listë. /Telegrafi/

Read Entire Article