Aksident në Gjirokastër/ Përplasen dy mjete, një prej tyre i Policisë. Dy drejtuesit përfundojnë në spital

Një aksident është regjistruar në hyrje te Gjirokastrës ku dy mjete janë përplasur me njëri-tjetrin.

Sipas komunikatës zyrtare, bëhet me dije se njëri prej mjeteve ishte i policisë dhe drejtues ka qenë një oficer policie i Drejtorisë Vendore të Policisë së Gjirokastrës.

Dy drejtuesit e mjeteve janë dërguar në spital për ndihmë mjekësore, teksa grupi hetimor po punon për zbardhjen e ngjarjes

Gjirokastër/ Informacion paraprak:

Sot, në hyrje të qytetit të Gjirokastrës, në vendin e quajtur “Grehot”, janë përplasur automjeti i policisë me drejtues shtetasin A. M., (oficer policie në DVKM Gjirokastër) dhe automjeti me drejtues shtetasin P. T.. Si pasojë janë dëmtuar lehtë 2 drejtuesit e automjeteve, të cilët ndodhen në spital, për ndihmë mjekësore, jashtë rrezikut për jetën.

Grupi hetimor po punon për sqarimin e plotë rrethanave të aksidentit.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb