Aksident në Lushnje, 17-vjeçari përplas me motomjet të miturën

Një aksident ka ndodhur mëngjesin e sotëm në Lushnje, ku një 17-vjeçar ka humbur drejtimin e motomjetit që drejtonte dhe ka përplasur një 6-vjeçare.

Policia njofton se për pasojë e mitura ka marrë dëmtime të lehta.

Lushnjë/Informacion paraprak

Rreth orës 10:00, në fshatin Bubullimë, një shtetas i mitur, 17 vjeç, dyshohet se për shkak të humbjes së kontrollit mbi drejtimin e motomjetit, ka përplasur me motomjet një 6-vjeçare. Si pasojë e mitura ka marrë dëmtime të lehta.

Ndërkaq, drejtuesi i motomjetit po shoqërohet në Komisariat, për kryerjen e veprimeve të mëtejshme procedurale.

Grupi hetimor po punon për sqarimin e plotë të rrethanave të aksidentit.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb