Aksidenti në aksin Pogradec-Lin, përplasen tre automjete/ Çifti i bashkëshortëve përfundon në spital (VIDEO)

Një aksident ka ndodhur pasditen e sotme në aksin rrugor Pogradec-Lin, në zonën e njohur si Guri i Kuq.

Në aksident janë përfshirë tre automjete, të cilat po udhëtonin në drejtim të kundërt, raporton gazetarja e News24, Lorena Kodra.

Si pasojë e aksidentit ka mbetur të plagosur një çift bashkëshortësh, të cilët janë transportuar me ambulancë drejt spitalit të Pogradecit.

Në vendngjarje ndodhet policia e cila po bën zbardhjen e plotë të rrethanave, pasi dyshohet se shkak ka qenë shpejtësia e lartë e njërit prej mjeteve.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb