Analiza e WSJ: Rreth 70 për qind e shtëpive janë dëmtuar ose shkatërruar në Gaza

Wall Street Journal raporton se mbi gjysma e ndërtesave të Gazës janë dëmtuar ose shkatërruar shkaku i sulmeve izraelite, një shifër që përbën pothuajse 70 për qind të shtëpive.

Gazeta amerikane i referohet fotografimeve satelitore të Rripit të Gazës dhe metodave të tjera teknologjike.

Gazeta vuri në dukje se ndërtesat e goditura përfshijnë fabrika, shtëpi lutjesh, shkolla, qendra tregtare dhe hotele.

The occupation has destroyed the oldest mosque in the Gaza Strip pic.twitter.com/1WwIIeNvAH

— TIMES OF GAZA (@Timesofgaza) December 30, 2023

Izraeli ka thënë se shumë shkolla, xhami dhe ndërtesa të tjera janë goditur pasi janë përdorur për qëllime ushtarake dhe si baza operimi për militantët e Hamasit.

WSJ shton se vetëm tetë nga 36 spitalet e Gazës mund të pranojnë pacientë dhe se shumica e infrastrukturës bazë, duke përfshirë ujin, energjinë elektrike dhe komunikimet janë shkatërruar.

“Fjala ‘Gaza’ do të hyjë në histori së bashku me Dresdenin dhe qytetet e tjera të famshme që janë bombarduar”, tha Robert Pape, profesor në Universitetin e Chicagos, i cili ka shkruar për historinë e bombardimeve ajrore.

Ndryshe, Izraeli pos Libanit, ka vazhduar edhe sot sulmet ndaj caqeve të militantëve të Hamasit në jug të Rripit të Gazës. /Telegrafi/

What the designated safe place in Rafah looks like after the displacement camp filled with families was recently targeted by Israeli airstrikes pic.twitter.com/AeE5K2jGod

— TIMES OF GAZA (@Timesofgaza) December 30, 2023