Arsenali i pafat, Manchester City nuk gabon ndaj Tottenhamit dhe rimerr kreun e tabelës

Manchester City ka triumfuar 2-0 ndaj Tottenhamit në kuadër të javës së 37-të në Ligën Premier.

Pjesa e parë ishte e mbushur me raste për gol, mirëpo asnjëra nga skuadrat nuk arritën të gjenin rrjetën.

Por, në 45 minutat e dytë ishte edhe më spektakël, me Spurs që lëshuan shumë raste shënimi, ndërsa Man City ishte klinik.

HALF-TIME | Goalless at the break ⚖️

⚪️ 0-0 ⚡️ #ManCity pic.twitter.com/jSddNd6U1x

— Manchester City (@ManCity) May 14, 2024

Kevin de Bruyne bëri një goditje të fuqishme në minutën e 47-të, mirëpo Guglielmo Vicario bëri një pritje fantastike.

Rast të artë shënimi dy minuta më vonë lëshoi edhe Heung-Min Son, me Edersonin që ishte tejet i vëmendshëm.

Në minutën e 51-të, De Bruyne asistoi te Erling Haaland, që shënoi me lehtësi në portën e Spurs.

HAAAALAANNDDDDD!!!!!

⚪️ 0-1 ⚡️ #ManCity pic.twitter.com/O26n1h6pTJ

— Manchester City (@ManCity) May 14, 2024

Son dhe Dejan Kulusevski lëshuan raste të mira shënimi në dhjetë minutat e fundit të ndeshjes dhe kjo u kushtoi edhe me golin e dytë.

Haaland e vulosi fitoren e Manchester Cityt, kur realizoi për 2-0 nga penalltia në minutën e 91-të.

90+3. IT'S TWO!!!! 🙌@JeremyDoku does brilliantly to win the penalty and @ErlingHaaland thumps it home to double our lead!!

⚪️ 0-2 ⚡️ #ManCity https://t.co/7dz7MEGrWN

— Manchester City (@ManCity) May 14, 2024

Pas javës së 37-të, Manchester City është lider me 88 pikë, dy më shumë se Arsenalit, ndërsa në xhiron e fundit, Citizens përballen me West Hamin, ndërsa Gunners kanë punë me Evertonin, aty ku do të përcaktohet kampioni. /Telegrafi/