Arsenali rikthehet si lider në Ligën Premier – mposht lehtësisht Lutonin

Arsenali ka marrë fitore komode në shtëpi përballë Lutonit në kuadër të javës së 31-të në Ligën Premier, me rezultat 2-0.

Pas 24 minutash lojë, Gunners kaluan në epërsi me golin e Martin Odegaard, që u asistua prej Kai Havertz.

Për 2-0, vendasit u ndihmuan nga një auto-gol i Daiki Hashiokas (44’), që e futi topin në rrjetën e tij nga një tollovi.

In the ascendancy at the break – let's push for more, Gunners 👊 pic.twitter.com/Ed1aKsAiNC

— Arsenal (@Arsenal) April 3, 2024

Pjesa e dytë ishte e varfër për nga numri i golave, madje edhe raste serioze nuk kishte.

Topçinjtë ishin sërish dominues, por nuk arrinin t’i konkretizonin aksionet deri tek gola kundërshtare.

Megjithatë, kjo fitore i riktheu ata në krye të tabelës së Ligës Premier, duke shkuar në kuotën e 68 pikëve, një më shumë se Liverpooli që ka një ndeshje më pak.

Në xhiron e 32-të, Arsenali përballet me Brightonin. /Telegrafi/