Një koreano-jugore e fiksuar me filmat e serialet e krimit është dënuar sot me burg të përjetshëm pasi ishte infektuar aq shumë me fantazitë e përmbajtjeve që konsumonte, sa vrau një mësuese anglishtjeje pa asnjë motiv të dukshëm.
23 vjeçarja Jung Yoo-jung, ishte e fiksuar me serialet e romanet e krimit dhe plotësonte kriteret e psikopatisë pas testeve në polici.
Ajo ishte fiksuar me idenë e vrasjes dhe e realizoi aktin makabër me një mësuese anglishteje të cilën e qëlloi për vdekje në shtëpinë e saj në maj, në krimin që shokoi vendin.
Në gjykatë u tha se Jung ishe e papunë dhe jetonte me gjyshin e saj.
Në maj ajo kishte telefonuar viktimën duke thënë se ishte nëna e një adoleshenteje që kishte nevojë për mësime anglishteje.
Pasi la takimin me viktimën 26-vjeçare në qytetin jugor të Busan, Jung u paraqit në shtëpinë e saj e veshur me një uniformë shkollë që kishte blerë në internet.
Policia tha në deklaratë: “Jung është trupvogël dhe me uniformën që kishte veshur, viktima e besoi si një nxenëse e shkollës së mesme. Por sapo hyri në shtëpinë e mësueses ajo kishte kryer sulmin tragjik me goditje të shumta thike”.
Ajo kishte copëtuar pjesërisht trupin e viktimës dhe me një taksi kishte marrë disa mbetje për t’i hedhur pranë lumit në veri të Busan.
Jung u arrestua kur shoferi taksisë njoftoi policinë për klienten e tij që hodhi valixhen e përgjakur në pyll.
Në kamerat e sigurisë ajo ishte parë të hynte e dilte disa herë nga shtëpia e viktimës.
Jung pranoi krimin duke thënë se vuante nga halucinacione dhe probleme mendore në kohën e ngjarjes.
Ajo pranoi se interesi për krimin u nxit nga fiksimi me filmat dhe programet televizive të vrasjeve.
Korea e Jugut ka ende dënimin me vdekje por nuk është kryer më që prej vitit 1997.
Jung kishte marrë në valixhe disa pjesë trupore të viktimës, të cilat i hodhi në lumin Nakdong në një zonë të veçuar pyjore.
Policia tha se Jung ishte një person i izoluar e papunë që prej mbarimit të shkollës pesë vjet më parë.
Top Channel