Chelsea po punon në transferimin e sensacionit të Bilbaos

Tashmë kur është hapur afati i transferimeve, Chelsea, nën drejtimin e Mauricio Pochettino, ka kthyer vëmendjen te Aitor Paredes i Athletic Bilbaos.

Me largimin e Inigo Martinez te Barcelona verën e kaluar dhe lëndimet e vazhdueshme të Yeray, Paredes është shfaqur si një shtyllë thelbësore në mbrojtjen e skuadrës së drejtuar nga Ernesto Valverde.

Në vetëm 23 vjeç, Aitor Paredes ka dëshmuar vlerën e tij që kur u vendos si titullar në njëmbëdhjetëshen e parë të Bilbaos.

Rritja e tij meteorike është mbështetur nga paraqitje solide, duke kulmuar me një gol mahnitës kundër Sevillas të enjten e kaluar. Kjo paraqitje nuk ka kaluar pa u vënë re në Angli, ku Chelsea ka shprehur interesim për nënshkrimin e qendërmbrojtësit spanjoll.

Sipas raportime nga Anglia, skautët e Chelseat ndoqën nga afër Paredes gjatë ndeshjes në Ramon Sanchez-Pizjuan. Oferta e mundshme shkon në 20 milionë euro, shifër që pasqyron si aftësinë e tij mbrojtëse, ashtu edhe aftësinë e tij përballë portës kundërshtare.

Që nga debutimi i tij në ekipin e parë në vitin 2022, Aitor Paredes ka luajtur 19 ndeshje në këtë edicion të La Liga, duke u vendosur si një element kyç në skemën taktike të Valverdes.

Edhe pse interesimi i Chelseat është i dukshëm, pasiguria rrethon pozicionin e Athletic Bilbaos në lidhje me shitjen e mundshme të Paredes. Ka spekulime se çdo ofertë këtë muaj do të refuzohet, por perspektiva mund të ndryshojë verën e ardhshme.

Sensacioni i Bilbaos është në qendër të vëmendjes dhe e ardhmja e tij mund të jetë në Ligën Premier. /Telegrafi/