Deputetet e grupit të Bardhit do të mungojnë në Kuvendin e 2 dhjetorit, Berisha: Dëshira është që të jenë, por…

Ish-kryeministri Sali Berisha deklaroi se nuk do të ketë hatërmbetje mes tij dhe Gazment Bardhin, nëse ky i fundit nuk merr pjesë në Kuvendin Kombëtar të 2 Dhjetorit ku ai do të votëbesohet pasi humbi zgjedhjet vendore të 14 Majit 2023.

Në një konferencë për gazetarët Berisha theksoi se grupi parlamentar është i bashkuar dhe se procesi i votëbesimit është statutor.

“Grupi Parlamentar është i bashkuar, do e kuptojmë këtë si një proces. Është apo jo i bashkuar po e dëshmon beteja që po bëjnë në Parlament, e fshinë Parlamentin monist, e mbushën me bodyguard, e futën në zoom etj. Ishim bashkë aty kur Rama erdhi me autokolonë makinash sikur të ishte Kim Jong Un, jo si kryeministri i një vendi anëtar i NATO.

Grupi është simbol i qëndresës së PD, probleme të cilat nuk i injoroj janë në zgjidhje e sipër. Ky është një proces statutor, i nesërmi. Ka qëllim të përcaktojë për çdo demokrat projektin tonë, kjo është”, u shpreh ish-kryeministri. I pyetur a do të ketë hatërmbetje me Gazment Bardhin dhe deputetët që e mbështesin nëse nuk marrin pjesë në Kuvendin Kombëtar, Berisha u përgjigj se: “Dëshira është që të jenë, por absolutisht bashkëpunimi do të vazhdojë sikur ka qenë në sallë.”, tha ai.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb