3 months ago
13
Ditën e sotme drejtori i Policisë Rrugore Altin Qato është filmuar teksa gjuan me shpullë një qytetar në aksin Thumanë-Kashar, veprim i cili është shoqëruar me pezullimin e tij nga detyra.
Në lidhje me këtë ngjarje reagoi në deputetja e PD Dhurata Çupi, e cila theksoi se “dhuna ndaj qytetarit është e papranueshme. Bëhet edhe më skandaloze kur kryhet nga një zyrtar i lartë i Policisë së Shtetit. Kjo sjellje nuk ka asnjë lidhje me përgjegjësitë e Policisë së Shtetit, që ka si mision mbrojtjen e qytetarëve, sigurinë e jetës dhe pronës së tyre”.
“Shpreh indinjatën time të thellë ndaj kësaj sjellje antiligjore dhe kërkoj që personi përgjegjës të marrë ndëshkimin e merituar. I bëj thirrje Ministrit të Brendshëm dhe Avokatit të Popullit të marrin masat sipas përgjegjësive kushtetuese dhe ligjore të tyre. Dhunimi i qytetarëve nga policia është shkelje flagrante e të drejtave të njeriut dhe vepër penale e kryer në ushtrim të detyrës”, tha Çupi.
Reagimi i plotë:
Dhuna ndaj qytetarit është e papranueshme. Bëhet edhe më skandaloze kur kryhet nga një zyrtar i lartë i Policisë së Shtetit.
Kjo sjellje nuk ka asnjë lidhje me përgjegjësitë e Policisë së Shtetit, që ka si mision mbrojtjen e qytetarëve, sigurinë e jetës dhe pronës së tyre.
Shpreh indinjatën time të thellë ndaj kësaj sjellje antiligjore dhe kërkoj që personi përgjegjsë të marrë ndëshkimin e merituar.
I bëj thirrje Ministrit të Brendshëm dhe Avokatit të Popullit të marrin masat sipas përgjegjësive kushtetuese dhe ligjore të tyre. Dhunimi i qytetarëve nga policia është shkelje flagrante e të drejtave të njëriut dhe vepër penale e kyer në ushtrim të detyrës.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·