Finlanda do të mbyllë sërish të gjithë kufirin me Rusinë mes krizës së emigrantëve

Pas një fluksi masiv të emigrantëve pa dokumente, Finlanda ka vendosur të mbyllë përsëri të gjitha kalimet kufitare me Rusinë.

“Fenomeni ka filluar përsëri”, tha Ministrja e Brendshme e Finlandës, Mari Rantanen, “dhe ne do të mbyllim të gjithë kufijtë”.

Për futjen e emigrantëve në zonën kufitare e cila kontrollohet nga Shërbimi Federal i Sigurisë së Rusisë, Finlanda po e akuzon shtetin rus, përcjell Telegrafi.

Por Rusia ka mohuar të ketë ndodhur diçka e tillë. Madje pretendoi se i vjen keq për mbylljet.

Kufiri finlandez-rus shtrihet mbi 1340 kilometra, duke e bërë atë kufirin më të gjatë tokësor të BE-së me Rusinë.

Mbyllja e tij vjen vetëm dy ditë pasi Helsinki njoftoi rihapjen e dy pikave të kalimit në juglindje, nga tetë gjithsej.

Vetëm në nëntor, më shumë se 900 emigrantë arritën në pikat kufitare finlandeze pa dokumentacion të vlefshëm.

Autoritetet thonë se shumica dërrmuese e tyre ishin nga Siria, Somalia, dhe Jemeni. /Telegrafi/