FOTO/ Aksident në aksin Kardhiq – Delvinë, plagoset e mitura

Një aksident i rëndë është regjistruar mesditën e kësaj të hëne në aksin Kardhiq-Delvinë.

Automjeti “Audi” me targa R777PUK me drejtues shtetasin R. A 23 vjeç, për shkak të lagështirës është përplasur me automjetin tip “Citroen” me targa AB519DR me drejtues shtetasin L. H 37 vjeç, nga Durrësi, të cilët ndodheshin me pushime në Sarandë dhe po largoheshin.

Si pasojë e aksidentit, ka mbetur e plagosur vajza 8-vjeçare e shtetasit L. H. Ajo ka marrë dëmtime në kokë.

Menjëherë është transportuar me urgjencë drejt Spitalit të Sarandës, ku pas marrjes së ndihmës së parë është nisur me helikopter drejt Spitalit të Traumës në Tiranë, për mjekim më të specializuar.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb