6 months ago
5
Sipas raportimeve në Itali, sulmuesi i Milanit, Olivier Giroud, ka rënë dakord për një kontratë 18-mujore me Los Anglese FC në Mayor League Soccer, për t’iu bashkuar nga korriku 2024.
Nuk është sekret që qendërsulmuesi veteran nuk do të zgjasë marrëveshjen e tij aktuale me kuqezinjtë, e cila do të skadojë më 30 qershor.
Ai është i etur për të parë karrierën e tij me një përvojë të re në Shtetet e Bashkuara të Amerikës dhe në veçanti po anon drejt klubit Los Angeles FC.
Sipas La Gazzetta dello Sport, tashmë është arritur një marrëveshje bazë për një kontratë 18-mujore që fillon nga 1 korriku, kur ai do të jetë lojtar i lirë.
Ai erdhi për herë të parë në San Siro nga Chelsea në verën e vitit 2021 për më pak se 3 milionë euro dhe u dëshmua të ishte një investim i mrekullueshëm, duke kontribuar me 46 gola dhe 20 asistime në 121 ndeshje konkurruese për klubin.
Megjithatë, ai do të mbushë 38 vjeç në shtator dhe kuqezinjtë duhet të shikojnë të ardhmen me sulmues më të rinj.
Giroud dëshmoi se e ka ende formë, pasi të martën në mbrëmje shënoi në fitoren 3-2 të Francës ndaj Kilit, duke konsoliduar statusin e tij si golashënuesi më i mirë i të gjitha kohërave në historinë e Les Bleus. /Telegrafi/
English (US) ·