Gjyqtari italian, Orsato nuk mundi t’i ndalë lotët pas ndeshjes PSG-Dortmund

Gjyqtari italian, Daniele Orsato u përpoq të mbante lotët pas ndeshjes PSG-Borussia Dortmund të martën mbrëma, pasi ishte ndeshja e fundit që ai drejton në Ligën e Kampionëve.

Orsato, 48 vjeç, pritet të tërhiqet nga gjykimi pas Euro 2024, kështu që ndeshja e mbrëmshme gjysmëfinale e Ligës së Kampionëve mes PSG dhe Dortmund në Paris ishte paraqitja e tij e fundit në këtë garë.

48-vjeçari u përpoq të mbante lotët pas vërshëllimës së fundit dhe përpara se të përqafonte ndihmësit e tij në Parc des Princes.

Gjyqtari italian ishte në qendër të vëmendjes në Parc des Princes mbrëmë, kur ai fillimisht akordoi një penallti për vendasit, përpara se të ndryshonte shpejt mendjen dhe të jepte një goditje dënimi.

Një kontroll i heshtur i VAR-it konfirmoi se Ousmane Dembele ishte faulluar jashtë zonës së Borussia Dortmundit.

Orsato dhe Marco Guida janë gjyqtarët italianë të përzgjedhur për Euro 2024.

Orsato ka drejtuar 55 ndeshje të Ligës së Kampionëve në karrierën e tij, duke përfshirë finalen 2019/20 mes Bayern Munich dhe PSG. /Telegrafi/

Referee Daniele Orsato was in tears after the PSG-Dortmund game last night. It was the last Champions League match he officiated. He wants to retire after the Euros.

— @JosRodriguez37 pic.twitter.com/8heMvY9GKM

— Madrid Universal (@MadridUniversal) May 8, 2024

Daniele Orsato rompió a llorar anoche tras el PSG-Borussia Dortmund.

El árbitro apunta a retirarse tras la EURO y el de ayer habría sido su último partido en la Champions League. pic.twitter.com/FKfBafyfEV

— Jose Rodríguez (@JosRodriguez37) May 8, 2024