Goditje e madhe për Lyon, ekipi pranë rrëzimit në ligën e dytë franceze

Lyon ka qenë një nga skuadrat më të mëdha në futbollin francez për dekada të tëra. Por situata e saj financiare nënkupton rënien e saj në Ligue 2 nëse diçka nuk ndryshon ndjeshëm. Francezët nuk e bindën komisionin kompetent për borxhin e tyre të madh dhe vendimi i marrë “tronditi” klubin.

Nëse situata nuk përmirësohet ndjeshëm deri në verë, Lyon do të dënohet me rënie! Komiteti i kontrollit financiar të futbollit francez nuk u bind nga fjalët e njerëzve të Lionit. Dënimet e vendosura janë si më poshtë:

Ndalim i menjëhershëm i transfertave për dimër, ulje e detyrueshme e buxhetit dhe në verë nëse gjendja financiare e Olimpikut nuk është përmirësuar ndjeshëm, rënie në Ligue 2!

Lyon ka ekspozime të mëdha dhe borxhet e tij kanë arritur në 505,000,000 euro. Fillimisht, skuadra franceze ishte përpjekur të merrte hapa për të ulur borxhin e madh, por në vitin 2024 pati shumë ngecje, prandaj erdhi ky dënim.

Situata duket veçanërisht e vështirë dhe nëse deri në verë Lyon nuk… shet për të ulur borxhin e tij të madh, atëherë do të bjerë nga liga. /vizionplus.tv