Ilir Daja largohet nga Ballkani, pritet rikthimi te Dinamo

Tashmë është zyrtare, trajneri Ilir Daja largohet nga Ballkani. Klubi i Kosovës e falënderon për dy vjet e gjysmë bashkëpunim. Sakaq pritet që trajneri të rikthehet te Dinamo.

Në një postim në rrjetin social klubi i futbollit shkruan “Faleminderit Ilir Daja!
Për mbi dy vjet e gjysmë kemi rrugëtuar bashkë, me shumë punë, suksese, shumë trofe e përjetime të mëdha.

Tifozë të dashur, pavarësisht se në vazhdimësi kemi qenë të dakorduar për të vazhduar edhe më tej bashkë, tashmë ish-timonjeri ynë ka konsideruar se nuk ka më shumë çfarë të jap për klubin tonë.

FC Ballkani është klub i madh dhe duke qenë i tillë, do ta bëj zgjidhjen e duhur edhe në krye të shtabit teknik, gjithmonë me të njejtat ambicie e objektiva, në ndjekje të çdo trofeu.

Kurse ecuria e Ballkanit me trajnerin Daja në krye të skuadrës, do të mbetet etapë shumë e rëndësishme e historisë tonë.

Faleminderit kampion!”.