Inter nuk merr më shumë se një pikë ndaj Genoas, i hap rrugë Juventusit që të afrohet në tabelë

Inter ka luajtur baras me rezultat 1-1 në udhëtim ndaj Genoas, në kuadër të javës së 18-të në elitën e futbollit italian.

Pjesa e parë u karakterizua me shumë raste për gol nga të dyja anët, ku edhe u shënuan dy gola.

Mysafirët kishin tri raste me anë të Marcus Thuram, Hakan Calhanoglu dhe Nicolo Barella para se Marko Arnautovic (43’) të gjejë rrugën e rrjetës.

Arnautovic shënoi për t’i dhënë avantazhin prej 1-0 Interit, pasi u gjend mirë në zonë për të çuar në rrjetë topin e kthyer nga shtylla.

Arnautovic’s first league goal of season.pic.twitter.com/5wAlc35iRi

— F.C. InterData (@Fcinterdata) December 29, 2023

Nuk vonoi shumë reagimi i Genoas dhe ata barazuan rezultatin në 1-1 me anë të Radu Dragusin (47’) i cili shënoi me kokë pas një krosimi nga goditja e këndit.

DRAGUSIN GOAL!

Best player in the League in terms of heading abilities.

Huge goal to tie the game, so far he’s been impressive once again.

pic.twitter.com/nvyJheTW0S

— Jaco™ (@JacoCats) December 29, 2023

Pjesa e dytë ishte më e varfër sa i përket rasteve për gol nga të dyja skuadrat.

Inter pati mundësinë të kalonte në avantazh përmes Francesco Acerbit (68’) por goditjen e tij me kokë me shumë mund e ndali portieri vendas, Josep Martinez.

Deri në fishkëllimën e fundit të gjyqtarit nuk pati më ndonjë rast për t’u veçuar dhe të dy ekipet u desh të pajtoheshin me nga një pikë.

Inter pas këtij barazimi vazhdon si lider në tabelë me 45 pikë të grumbulluara, pesë më shumë se Juventusi në vendin e dytë që ka 40 sosh dhe nesër (e shtunë) luan ndaj Romës./Telegrafi/